-
اخوي ، انتي عم تسأل عن شي ما صرلوا يوم او يومين ، ولا شهر او شهرين ، صرلوا تقريبا شي ٥-٦ اشهر ، وكتير الامور صارت فايتي ببعضا وصارت اشبه بشبكة ما حدا قدران يفك طلاسمها ، بس مع ذلك رح احكيلك الخطوط العريضة لهالموضوع
الجيش الحر ، اوّل ما صار ، كان هدفو انو يحمي المظاهرات فقط ، وانا هادا الشي بتذكروا منيح ، لانو اكتر من مظاهرة طلعت فيها ومحمية منون ، بما انو كنا نطلع عالمظاهرة وينقتل اشخاص مننا ، ونحنا ما في غير عم نركض ونسحب عالم .... بعدين اطوّرت الامور وصار الجيش يحمي مكان ، بعدين صار يحمي حارة ( بابا عمرو مثلا ) مع العلم ، انو في كتير افراد من الجيش الحر ، ببابا عمرو ، بباب السباع ، باب هود ، الخالدية و و و و و كمان صديقي في فكرة مهمة لازم تتوقف عندها مطولا ، وهي اهم ما كل العالم متخيلين ، عنا بحمص الشبيحة اخطر من الامن ، كمثال ( اهل حي المزرعة عنا بحمص ) هدول يلي قتلو رامي فاخوري ، طاهر السباعي وغيرن كتار ويخطفوا وينهبوا ، هدول كانو يجو مع باصات الامن والامن ما يحكي معون شي وهلأ هنيي عم يشاركوا بلعبة قصف الانشاءات وبابا عمرو .. انتقل الجيش الحر لمرحلة تانية ، وهيي مرحلة الدفاع عن الوجود ، غيري ومن المؤيدين بقول عصيان مسلح ، انا بقول دفاع عن وجود الشعب المتظاهر ، واتبع مقولة ( الهجوم خير وسيلة للدفاع ) فصاروا يستهدفوا الحواجز يلي ((( فعلا ))) مخرينا وكانو يقتلوا عالم ، وكان يستهدفوا مراكز امنكانو ينزلوا يقتلوا ، ويستهدفوا شبيحة برقبتون دم هالعالم ... الجيش الحر متلوا متل اي مجموعة اشخاص تاني فيها المنيح وفيها الما منيح ... فهمت عليي شو الفكرة .. وانتي سألتني هل هنيي السبب لردة فعل النظام ؟ جاييك بالحكي .. من ٢٤ يوم لوقت ما عم اكتبلك هالمسج ، نزل النظام وصار يقصف حمص ، اول مرة بالخالدية ( مع العلم انو الجيش الحر بالخالدية شخاخ ما معو ياكل ، لاء يا سيدي ، ما معو يضرط حتّا ) بعدين صار يقصف الانشاءات وبابا عمرو .... اذا اعتبرنا : بابا عمرو ، موجود فيها الجيش الحر الأقوى بحمص ... وهوي عم يقصفها تمام هالحكي ، بس الانشاءات ليش ؟؟؟ مع انو انا من اهل الانشاءات وبعرفها حارة حارة ، حارتي هي بالاخير ، ما فيها ولا فرد من افراد الجيش الحر ، ما فيها غير حواجز للامن ، بس هنيي قصفوها بحجة ( الحاضن الاجتماعي للجيش الحر ) اي والله انا زلمي بفهم بليرا ومخطتي مانا شارّة .. بس هنيي عم يقصفوها لانو الانشاءات عم يتظاهروا وينقضوا نظرية النظام يلي هيي ( المتظاهر هوي فرد من المجتمع غير مثقف وما معو مصاري وعندو تارات قديمي ومن هالحكي ) واهل الانشاءات الحمد الله شعب كتير مثقف ، وكتير فيها مصاري ولا عندن لا تارات ولا خرا ، كان همنا قبل الثورة ، نشوف هاي البنت ونزبط لعبة طابي وسهرة عكيف كيفك ويعطيك العافي ... بس بعد الثورة وبعد ما شفنا الاجرام المخيف يلي عم يعملوا النظام نزلنا عالشارع ، ونزلت اول قطرة دم بالانشاءات وبالتالي صرلنا نطلع منشان رفقاتنا يلي نقتلوا وهيك:((الجيش الحر بحمص ، من جهة عندو سلاح ، عندو سلاح ، هادا شي اكيد ، وسلاح منيح ، كمان منيح وهادا شي اكيد .((بسانا و كل اهل حمص وحتى الجيش الحر بيعرف انو ، لو النظام بدو فعلا يفوت وبس يقتل افراد الجيش الحر بيقدر يعملا لأن بالاخير ، معظم الجيش الحر ما بيعرف التكتيت الحربي ، يعني بالاخير قتال شوارع ... بالتالي النظام عم يصفّي ما بس الجيش الحر ، عم يصفّي اهل حمص كلها كان ( تار ، لؤم ، او شي ) ... والشي يلي بيثبت كلامي انو ( ليش ادلب ما عم يصير فيها شي لك حتّى رجل امن واحد مافي، مع العلم انو الجيش الحر بادلب مخييييييييف واقوى بكتيييييير من عنّا ) .... ( حماة وقت كانو يفوتولها كل فترة وفترة ، ما فيها كمان هالشي المخيف ، كلها كم شب عم ينزلوا عالشارع يدافعوا عن حاراتون )
- حمص حاليا يا صديقي، عم يصير فيها كالتالي ، الانشاءات ما عاد فيها اهل ، اتهجروا كلهم ، واهلي اول العالم و هلأ هنيي قاعدين بالشام بين هداك الفندق وهديك الغرفة ... ومع ذلك لساتها عم تنقصف وفاتوا عليها ونهبوا وكسروا بما فيه الكفاي ولسا عم يعملوا هيك ، وبيتنا مكسور ( بس منشان كون صادق ، مكسور مانو منهوب ، يعني كلشي لسا موجود ، هادا الحكي من ١٠ ايام ) ..بابا عمرو ، عم تنقصف من ٣ محاور ، يعني تصفاية كاملة للحي وهني لسا ما فاتوا لجوا ، يعني من بعيد لبعيد ... وبالتالي ، عم يروح شي من الجيش الحر وجيش من هالشعب الدرويش يلي ما معو يحك طيزوكرأيي انا : انا ضد التدخل الاجنبي والعربي بكل انواعه ، وانا بعرف انو انتي نفس الشي .. وبالتالي ، عندي الجيش الحر ، يلي عم يشتغل صح ((ما كلو ))، هوي الحل الوحيد يلي ممكن ما يصير فيها تدخل خارجي .. وهنيي ماشين على كلمة جهاد ( بس الجهاد انو قصدي ، حماية النفس والعرض والاهل والوطن ) ما انو والله رووح قتول هداك و عميل هيك ... دفاع عالنفس وعالعرض وعالاهل وعالمال وعكل شي عم يحاول النظام يقتلوا بالنهاية اخوي ، الجيش الحر هو رد فعل نفسي وعكسي عالإجرام يلي عم يصير بحمص ... لا اكتر ولا اقل ... طبعا من دون تعميم ... وانا بقلك يا شريك ، في اطراف اخرى ( غير النظام والجيش الحر وغير الشعب الاعزل ) عم يستفيدوا من هالوضع ، كأنو يخطف فلان او علتان ويطلب من اهلو فدية وبالاخير يزت الشغلة عالنظام او عالجيش الحر ، واذا كنت ابن ابوك عريف شو الصح ... انا ما عم قلك والله النظام ما بيعملها ، عملها و عمل لسّا افظع منها ، بس عم قلك انو في عالم ما دخلون لا بهدول ولا بهدول صاروا يشتغلوا يلي بدن ياه لمصلحة شخصية او لتصفاية تارات قديمي هلأ بيقدروا يعملوها وبضيع الطاسي
- بصراحة ، هادا المختصر المختصر وانا جاهز ايمت ما بدك وعلى اي سؤال اسألني وانا بجاوبك
سوريا اليوم - Tuesday, February 28, 2012
https://www.facebook.com/notes/سوريا-اليوم-souria-alyom/رسالة-صديق-من-حمص/341576479213898